Njësia e Zhvillimit

Është përgjegjës për hartimin e projekteve zhvillimore që mund të përfshijnë përmirësimin e infrastrukturës, zhvillimin e mundësive për mësim më cilësor, zbatimin e teknologjisë dhe organizimin e aktiviteteve të reja edukative e sociale. Harton planet e projektit dhe përcakton objektivat, burimet dhe afatet kohore.

Harton dhe zbaton strategjinë e marketingut për promovimin e ofertës edukative dhe rritjen e interesit të nxënësve të ardhshëm. Krijon fushata dhe aktivitete që pasqyrojnë misionin dhe vizionin e shkollës.

Vepron si urë lidhëse midis shkollës dhe tregut të punës. Forcon bashkëpunimin me biznese e institucione, krijon mundësi për praktika profesionale, organizon orientim në karrierë dhe panaire pune, ndjek e vlerëson performancën gjatë praktikës dhe mbështet nxënësit në integrimin në tregun e punës. Ndihmon shkollën të përshtatë kurrikulën me nevojat reale të tregut.

Mbështet nxënësit të kuptojnë mundësitë e karrierës dhe t’i udhëzon drejt zgjedhjeve të përshtatshme profesionale. Ofron informacion dhe trajnime që ndihmojnë në zhvillimin e aftësive dhe marrjen e vendimeve të informuara për të ardhmen.

Zhvillon dhe përditëson kurrikulën, duke përshtatur lëndët dhe modulet me kërkesat e arsimit, nevojat e tregut të punës dhe standardet kombëtare e ndërkombëtare. Analizon mundësitë për të përfshirë teknologjitë e reja, metodat moderne të mësimdhënies dhe prirjet e industrisë.

Planifikon, organizon dhe mbikëqyr mundësitë për zhvillimin e vazhduar të aftësive dhe njohurive të stafit, veçanërisht në fushat profesionale dhe edukative. Mbështet përmirësimin e performancës dhe cilësisë së punës, në mënyrë që stafi të jetë i përgatitur për sfida të reja.

Menaxhon proceset e gjurmimit, monitorimit dhe vlerësimit të aktiviteteve, projekteve dhe performancës së institucionit. Siguron që të dhënat të mblidhen, përpunohen dhe analizohen saktë, dhe përgatit raporte e informacion për drejtuesit dhe palët e interesuara.